Casgliad Ysgol Bensaernïaeth Cymru - Trysorau O’n Harchif

Achifau Cymru

#archwilioarchifau / #explorearchives

Mae Casgliad Ysgol Bensaernïaeth Cymru yn cynnwys lluniadau gwaith prosiect, a rhai ffotograffau ategol, a gynhyrchwyd gan benseiri dan hyfforddiant yn yr Ysgol yng Nghaerdydd, o ddechrau’r 1960au hyd ddiwedd y 1980au. Ceir tua 5000 o eitemau unigol yn y casgliad, sy’n cofleidio arolygon pensaernïol manwl o adeiladau a safleoedd o bob math, o rai dinesig a domestig i rai crefyddol a diwydiannol. Mae tua thri chwarter yr adeiladau yng Nghymru, mae rhai mewn mannau eraill yn y Deyrnas Unedig, ac mae amryw mewn gwledydd tramor, o Norwy i Malaysia, gan adlewyrchu natur ryngwladol y corff o fyfyrwyr a phwysigrwydd byd-eang y sefydliad Cymreig hwn.

Lluniadau wedi’u mesur o olygon deheuol a gorllewinol o Dŷ Rheola, Resolfen, wedi’u cynhyrchu gan Judy Nuttall o Ysgol Bensaernïaeth Cymru, ym 1976. NPRN19836, DI2009_0574, C.531052.

Lluniad wedi’i fesur yn dangos manylion mewnol Capel Peniel, Tremadog, wedi’u cynhyrchu gan B.W. Davies, R.J.B Mallin a P.V.C. Treweeks o Ysgol Bensaernïaeth Cymru, Chwefror 1981. NPRN 7128, C. 25228.

Dewch i ddarganfod mwy yn ystod Diwrnod Ymwybyddiaeth o’r Archif y Comisiwn Brenhinol ar 12 Tachwedd, 2014 – diwrnod o sgyrsiau a theithiau. Agored i bawb!

I gael mwy o wybodaeth, ewch i’n gwefan neu cysylltwch â CHCC: chc.cymru@cbhc.gov.uk


Tanysgrifiwch i Newyddion Treftadaeth Cymru a chofrestrwch ar gyfer yr RSS porthiant llawn: cliciwch y botwm RSS hwn a thanysgrifiwch!

Rydym hefyd ar gael ar:
Twitter Hashtag: #RCAHMWales