Prentis Sylfaen: Gweinyddiaeth Swyddfa

Dyddiad Ago: 14 Mawrth 2016
Dyddiad Cau: 28 Mawrth 2016
Lleoliad: Aberystwyth

Disgrifiad o'r Swydd: Cynllun Prentisiaeth 2016

Corff a Noddir gan Lywodraeth Cymru yw’r Comisiwn Brenhinol. Byddwn yn gwneud gwaith ymchwil a chofnodi ym meysydd archaeoleg, adeiladau, tirweddau ac olion arforol o’r cyfnod cynhanesyddol hyd heddiw. Gofalwn am y Cofnod Henebion Cenedlaethol, sef archif amgylchedd hanesyddol parhaol Cymru sy’n cynnwys mwy na 2 filiwn o ffotograffau, lluniadau, a dogfennau a data digidol eraill. Byddwn hefyd yn helpu pobl i ddysgu am ein treftadaeth gyfoethog drwy gyhoeddi llyfrau a dogfennau eraill a thrwy fynd i sioeau a digwyddiadau. Byddwn yn rhoi sgyrsiau a darlithiau a byddwn hefyd yn rhoi cyngor a gwybodaeth ddiduedd i helpu pobl i reoli’r amgylchedd hanesyddol mewn ffordd gynaliadwy a moesegol. Mae ein swyddfeydd yn Aberystwyth a chyflogwn tua 30 o staff. Mae ein gwaith yn cwmpasu Cymru gyfan.
Mae’r Comisiwn Brenhinol wedi ymrwymo i fuddsoddi yng ngweithlu Cymru at y dyfodol. Fel rhan o’r ymrwymiad hwn rydym ni’n cynnig cyfle i berson ifanc rhwng 16 a 24 oed i feithrin sgiliau a gwybodaeth ym meysydd cyllid a gweinyddiaeth swyddfa gyffredinol mewn sefydliad treftadaeth cenedlaethol. Bydd y cynllun hwn yn rhoi cyfle i berson ifanc ennill cymhwyster cydnabyddedig a sgiliau marchnadwy tra’n ennill cyflog.
Bydd prentis yn y Comisiwn Brenhinol yn derbyn cyflog o £12,000 y flwyddyn.

Pa hyfforddiant fydd yn cael ei ddarparu?
Byddwch chi’n cwblhau Prentisiaeth Sylfaen mewn Gweinyddu Busnes sy’n cynnwys cymhwyster NVQ lefel 2, ynghyd â chymwysterau cysylltiedig eraill. Cewch bob cymorth yn y gweithle i feithrin y sgiliau allweddol, cymhelliant a phrofiad a fydd yn eich rhoi chi mewn sefyllfa well i gael swydd yn y farchnad swyddi gystadleuol.

Am faint y bydd y brentisiaeth yn para?
Bydd y brentisiaeth yn para am gyfnod o 15 mis.

Sut mae gwneud cais?
 Mae’r cynllun ar agor i geisiadau o 14 Mawrth hyd 28 Mawrth 2016.  Gallwch wneud cais drwy lawrlwytho ffurflen gais o’n gwefan: www.cbhc.gov.uk
Ar ôl llenwi’r ffurflen gais, bydd angen ei dychwelyd i’n Rheolwr Adnoddau Dynol cyn y dyddiad cau drwy e-bost at sue.billingsley@cbhc.gov.uk neu drwy’r post i CBHC, Adeilad y Goron, Plas Crug, Aberystwyth, Ceredigion.  SY23 1NJ.  Nid ydym ni’n derbyn CVs.
Os bydd angen mwy o wybodaeth arnoch, byddwch cystal â chysylltu â’n Rheolwr Adnoddau Dynol drwy e-bostio neu ffonio 01970 621228

Graddfa Cyflog: WG Pay Scale
Cyflog: £12,000 per annum
Hyd y cytundeb: 15 month

Dogfennau sy'n ymwneud â swydd benodol:
http://www.cbhc.gov.uk/HI/CYM/Amdanom+Ni/Gweithio+yn+CBHC/Swyddi+sy%27n+Wag+ar+hyn+o+bryd/?vaca=43

Tanysgrifiwch i Newyddion Treftadaeth Cymru a chofrestrwch ar gyfer yr RSS porthiant llawn: cliciwch y botwm RSS hwn a thanysgrifiwch!

---

Rhannu ar:
• Twitter   •   Facebook   • Google+   • Linkedin

---

Rydym hefyd ar gael ar:


Twitter Hashtag: #RCAHMWales

Cyfleoedd Swyddi yn y Comisiwn

 

 

Mae’r Comisiwn Brenhinol, a fu mewn bodolaeth ers 106 o flynyddoedd, yn chwilio am staff i lenwi tair rôl bwysig i gefnogi datblygiadau yng ngham nesaf ei hanes.

 

 

Y Comisiwn Brenhinol, sydd wedi’i leoli yn Aberystwyth, yw corff ymchwilio ac archif cenedlaethol amgylchedd hanesyddol Cymru. Ni sydd â’r rôl arweiniol o ran sicrhau y caiff treftadaeth archaeolegol, adeiledig ac arforol Cymru ei chofnodi’n awdurdodol, a byddwn yn ceisio hyrwyddo deall a gwerthfawrogi’r dreftadaeth honno’n genedlaethol ac yn rhyngwladol. Cofnod Henebion Cenedlaethol Cymru, un o’r tri ‘chasgliad cenedlaethol’, yw ein prif ased. Ceir yn hwn fwy na 1.25 miliwn o ddelweddau o amgylchedd hanesyddol Cymru, ynghyd â dogfennau testun, gweithiau celf a channoedd ar filoedd o gofnodion eraill.

 

Mae’r tair swydd hon yn hanfodol i’n hymdrechion i sicrhau ein bod ni’n cyflawni ein cyfrifoldebau i bobl Cymru, ein Gwarant Frenhinol a Llywodraeth Cymru, drwy wneud Cofnod Henebion Cenedlaethol Cymru mor hygyrch â phosibl. Bydd gan yr ymgeiswyr delfrydol ddiddordeb brwd yn hanes Cymru, a byddant wrth eu bodd yn cyfrannu at ein gwaith gyda’r cyhoedd.

 

  

Swyddog Mapio a Phrosiectau Gwybodaeth

Amrediad Cyflog £22,400 - £25,750

37 awr yr wythnos – penodiad parhaol

 

Swyddog Ymholiadau a Llyfrgell

Amrediad Cyflog £22,400 - £25,750

37 awr yr wythnos – penodiad parhaol

 

Cynorthwyydd Ymholiadau a Llyfrgell

Amrediad Cyflog £17,200 - £20,950

37 awr yr wythnos – penodiad parhaol

 

(Bydd yr holl benodiadau ar neu’n agos at y cyflog lleiaf ar gyfer y band cyflog)

 

 

Gellir cael ffurflen gais a manylion pellach gan:-

Mr S Bailey John                           
Y Comisiwn Brenhinol                 
Plas Crug                                               
Aberystwyth
Ceredigion
SY23 1NJ

 Ffôn: 01970 621230

 Ffacs: 01970 621246
 e-bost: stephen.bailey-john@rcahmw.gov.uk
                                   
Y dyddiad cau ar gyfer ceisiadau yw 16:00 ar 19 Mehefin 2015. 

 

 

Mae’r Comisiwn Brenhinol yn gyflogwr cyfle cyfartal.

 

 

Tanysgrifiwch i Newyddion Treftadaeth Cymru a chofrestrwch ar gyfer yr RSS porthiant llawn: cliciwch y botwm RSS hwn a thanysgrifiwch!

Rydym hefyd ar gael ar:


Twitter Hashtag: #RCAHMWales