Eisteddfod Genedlaethol Cymru: Sir Gâr, 1–9 Awst

Y Maes yn edrych yn ysblennydd wrth baratoi ar gyfer digwyddiad yr wythnos nesaf.

Yr wythnos nesaf, bydd y Comisiwn Brenhinol yn ymuno â chyrff treftadaeth eraill Cymru yn yr Eisteddfod Genedlaethol yn Llanelli. Drwy gydol yr wythnos, bydd staff wrth law i ateb cwestiynau a sgwrsio ag ymwelwyr. Dewch i’n gweld ni yn rhes dreftadaeth (stondin 601-603), lle byddwch hefyd yn dod o hyd i Cadw, Amgueddfa Cymru ac Ymddiriedolaethau Archaeolegol Dyfed a Morgannwg-Gwent. Bydd ein harddangosfa newydd eleni yn canolbwyntio ar ganmlwyddiant y Rhyfel Byd Cyntaf ac ar Brydain oddi Fry, y prosiect cydweithredol llwyddiannus. Bydd yr uchafbwyntiau’n cynnwys sgwrs gan Dr Eurwyn Wiliam, Cadeirydd y Comisiwn Brenhinol, ar Ddydd Gwener 8 Awst am 10.30am ym Mhabell y Cymdeithasau 2, ar Darganfod hanes Dyfed: darganfyddiadau diweddar Comisiwn Brenhinol Henebion Cymru ac eraill. Mae Cadw wedi trefnu cwis ar y cyd sy’n gofyn i ymwelwyr ateb deg cwestiwn wedi’u seilio ar wybodaeth y gellir ei chael yn rhwydd o stondinau’r pedwar corff treftadaeth. Y wobr fydd aelodaeth Cadw i deulu cyfan am flwyddyn. Dewch i roi cynnig arni!

Tanysgrifiwch i Newyddion Treftadaeth Cymru a chofrestrwch ar gyfer yr RSS porthiant llawn: cliciwch y botwm RSS hwn a thanysgrifiwch!

Rydym hefyd ar gael ar:
Twitter Hashtag: #RCAHMWales

Ffair Haf Penparcau, 13 Gorffennaf 2013

Bryngaer Pen Dinas, Aberystwyth.

Fel rhan o ddigwyddiadau Gŵyl Archaeoleg Prydain eleni, bydd y Comisiwn Brenhinol yn mynychu ffair haf Ysgol Llwyn yr Eos ar Ddydd Sadwrn, 13 Gorffennaf, yr un diwrnod ag y bydd Dr Toby Driver yn arwain taith gerdded i Ben Dinas, y gaer o Oes yr Haearn. Mae’r ysgol ger y Neuadd Goffa, Penparcau, lle bydd y daith yn gorffen. Trefnwyd y ffair i ddathlu pen-blwydd yr ysgol gynradd, Ysgol Llwyn yr Eos, yn drigain oed ac fe fydd gweithgareddau rhwng canol dydd a 9 o’r gloch y nos. Bydd y digwyddiadau’n cynnwys arddangosiadau gan y grŵp ail-greu hanesyddol Normannis, sioe gŵn, dawns stryd, paffio ac ymarfer paffio, corau, a llawer mwy. Bydd y Comisiwn Brenhinol yn cynnal amrywiaeth o weithgareddau cyffrous i’r plant drwy gydol y dydd, gan gynnwys gweithgaredd difyr iawn wedi’i seilio ar gopïau o’r mapiau modern a hanesyddol o Aberystwyth sydd ym meddiant y Comisiwn a chwilen symudol raglenadwy o’r enw Bee-Bot! Dewch atom yn llu i ddarganfod mwy.

I gael rhagor o wybodaeth cysylltwch â Nicola Roberts, Ffôn: 01970 621248, neu Fforwm Cymunedol Penparcau, Ffôn: 01970 611099.

Tanysgrifiwch i Newyddion Treftadaeth Cymru a chofrestrwch ar gyfer yr RSS porthiant llawn: cliciwch y botwm RSS hwn a thanysgrifiwch!

Rydym hefyd ar gael ar:
Twitter Hashtag: #RCAHMWales