Swydd Wag - Ysgrifennydd (Prif Weithredwr)

Dyddiad Cau: 13 Tachwedd 2014
Lleoliad: Aberystwyth
Disgrifiad o'r Swydd: Ysgrifennydd (Prif Weithredwr)
Cyflog: £57,550 - £68,150 (Band 1 Gweithredwyr Llywodraeth Cymru)
37 awr yr wythnos – tymor sefydlog o 4 blynedd (mae posibilrwydd y caiff ei adnewyddu)

Mae’r Comisiwn Brenhinol yn chwilio am Ysgrifennydd (Prif Weithredwr) newydd i arwain ac ysbrydoli’n staff a’n gwirfoddolwyr drwy’r bennod nesaf yn ein hanes o 106 o flynyddoedd.

Y Comisiwn Brenhinol yw’r corff archwilio a’r archif cenedlaethol ar gyfer amgylchedd hanesyddol Cymru. Ysgrifennydd y Comisiwn sy’n gyfrifol am arweinyddiaeth, strategaeth, gwarcheidwaeth a rheolaeth y Comisiwn Brenhinol a sicrhau ei fod yn cyflawni’r cyfrifoldebau a nodir yn ei Warant Frenhinol a’i gylch gwaith fel y’i pennwyd gan Lywodraeth Cymru.

Yn dilyn ymrwymiad gan y Gweinidog i’w gadw’n gorff annibynnol, mae hwn yn gyfle arbennig iawn i arwain, ysbrydoli ac ysgogi’r Comisiwn drwy gyfnod o newid o fewn y sefydliad a sector ehangach yr amgylchedd hanesyddol yng Nghymru. Bydd yr Ysgrifennydd yn adeiladu ar lwyfan cadarn o lwyddiant ac yn manteisio ar gyfleoedd i sicrhau newidiadau a fydd yn cefnogi gweledigaeth uchelgeisiol at y dyfodol i sicrhau cynaladwyedd tymor-hir y sefydliad a chyfrannu i’w agendâu sectorol.

Bydd yr Ysgrifennydd yn arweinydd profiadol sydd â record nodedig o gyflawni wrth gynrychioli sefydliad ar lefel uchel. Drwy amlygu angerdd wrth arwain y staff a’r gwirfoddolwyr, bod yn gadarn wrth gyflawni dyletswyddau’r Comisiwn i gynnal a datblygu’r Cofnod Henebion Cenedlaethol, wrth weithredu fel arweinydd wrth arolygu ac ymchwilio i’r amgylchedd hanesyddol a hyrwyddo’r ddealltwriaeth ehangaf bosibl o dreftadaeth Cymru ac o’r ymgysylltu â hi, bydd yr Ysgrifennydd yn symud y Comisiwn Brenhinol yn ei flaen yn gyflym, yn egnïol ac yn llawn dychymyg ac yn ymroi’n daer i hyrwyddo’i waith.

Mae ffurflen gais a manylion pellach i’w cael oddi wrth:-
Stephen Bailey John
Y Comisiwn Brenhinol
Plas Crug, Aberystwyth, SY23 1NJ

Ffôn: 01970 621230
Ffacs: 01970 621246
e-bost: stephen.bailey-john@cbhc.gov.uk

Y dyddiad cau i geisiadau yw 13 Tachwedd 2014.

Mae’r Comisiwn Brenhinol yn gyflogwr cyfle cyfartal.


Tanysgrifiwch i Newyddion Treftadaeth Cymru a chofrestrwch ar gyfer yr RSS porthiant llawn: cliciwch y botwm RSS hwn a thanysgrifiwch!

Rydym hefyd ar gael ar:
Twitter Hashtag: #RCAHMWales

Swydd Wag: CYNORTHWYYDD GWEITHREDOL (Tîm Strategaeth ac Adnoddau)

Manylion llawn: CYNORTHWYYDD GWEITHREDOL (Tîm Strategaeth ac Adnoddau)
Amrediad Cyflog £22400 - £25720, 37 awr yr wythnos – penodiad parhaol

Y Comisiwn Brenhinol, sydd wedi’i leoli yn Aberystwyth, yw corff ymchwilio ac archif cenedlaethol amgylchedd hanesyddol Cymru. Ef sydd â’r rôl arweiniol o ran sicrhau y caiff treftadaeth archaeolegol, adeiledig ac arforol Cymru ei chofnodi’n awdurdodol, a bydd yn ceisio hyrwyddo deall a gwerthfawrogi’r dreftadaeth honno’n genedlaethol ac yn rhyngwladol.

Rydym ni’n chwilio am rywun i gynorthwyo Ysgrifennydd y Comisiwn (Y Prif Weithredwr) drwy ymgymryd â thasgau strategol a threfniadaethol. Y pwysicaf o’r rhain fydd datblygu a chydlynu Cynllun Gweithredol a Strategol y Comisiwn yn unol â chanllawiau Llywodraeth Cymru. Bydd dyletswyddau eraill yn cynnwys cydlynu adroddiadau, papurau a dogfennau ar gyfer cyfarfodydd allweddol, sicrhau yr ymdrinnir yn gyflym ac effeithiol ag ymholiadau ffôn a gohebiaeth, a rhoi ynghyd a chydlynu gweithdrefnau monitro perfformiad chwarterol y Comisiwn.

Bydd gan yr ymgeiswyr hyder, hunangymhelliant a sgiliau cyfathrebu a TG da, yn ogystal â phrofiad sylweddol a/neu gymwysterau proffesiynol neu academaidd priodol mewn disgyblaeth berthnasol. Rhaid bod ganddynt brofiad sylweddol hefyd o weithio ar lefelau strategol a gweithredol, a’r gallu i ddatblygu a chynnal perthnasoedd gwaith cadarnhaol a phroffesiynol â staff a chysylltiadau allanol. Byddai’r gallu i gyfathrebu drwy gyfrwng y Gymraeg yn fantais.


Dychwelwch eich ffurflen gais wedi'i chwblhau i'r cyfeiriad isod:-

Mr S Bailey-John
Y Comisiwn Brenhinol
Plas Crug     
Aberystwyth
Ceredigion
SY23 1NJ

Ffôn: 01970 621230
Ffacs: 01970 621246
e-bost: stephen.bailey-john@cbhc.gov.uk
                                              
Dyddiau cau ar gyfer ceisiadau: 26 Ebrill 2014

Mae’r Comisiwn Brenhinol yn gyflogwr cyfle cyfartal.

Tanysgrifiwch i Newyddion Treftadaeth Cymru a chofrestrwch ar gyfer yr RSS porthiant llawn: cliciwch y botwm RSS hwn a thanysgrifiwch!

Rydym hefyd ar gael ar:
Twitter Hashtag: #RCAHMWales