Darlith Nadolig y Comisiwn Brenhinol: Light, Landscape and Lasers―Revealing the Heritage of Wales from the Air gan Dr Toby Driver

Dewch i swyddfeydd y Comisiwn Brenhinol ym Mhlas Crug, Aberystwyth ar nos Fercher, 20 Tachwedd, i fwynhau darlith Nadolig y Comisiwn Brenhinol o 5.30pm ymlaen. Am 6pm, bydd Dr Toby Driver yn darlithio ar Light, Landscape and Lasers: Revealing the Heritage of Wales from the Air. Bydd cyfle hefyd i bawb astudio trysorau o gasgliadau dihafal Cofnod Henebion Cenedlaethol Cymru o awyrluniau yn y Llyfrgell, sgwrsio â’r staff a mwynhau mins-peis a gwin twym tymhorol a wnaed yn lleol. Bydd Dr Driver ar gael i drafod ei waith a llofnodi ei gyhoeddiad diweddaraf Cymru Hanesyddol o'r Awyr / Historic Wales From the Air. Yn y llyfr hwn ceir cipolwg o’r awyr ar dirweddau a hanes Cymru drwy gyfrwng mwy na 220 o ddelweddau godidog yn dyddio o’r 1920au hyd heddiw, o waith cynharaf ffotograffwyr preifat a milwrol i’r darganfyddiadau diweddaraf gan archaeolegwyr. Fe’ch cynghorir i gysylltu â ni i gadw’ch lle ac estynnir croeso cynnes i bawb.


Tanysgrifiwch i Newyddion Treftadaeth Cymru a chofrestrwch ar gyfer yr RSS porthiant llawn: cliciwch y botwm RSS hwn a thanysgrifiwch!

Rydym hefyd ar gael ar:
Twitter Hashtag: #RCAHMWales

Gwaith adfer Nash yn Eglwys Gadeiriol Tyddewi

Eglwys Gadeiriol Tyddewi, Sir Benfro.

Dyddiad y digwyddiad: 1 Tachwedd 2013, 19:30
Lleoliad: Hwlffordd

Bydd yr hanesydd pensaernïaeth Richard Suggett yn rhoi sgwrs gyda lluniau ar “John Nash ac adfer Eglwys Gadeiriol Tyddewi” am 7.30pm, Dydd Gwener, 1 Tachwedd 2013 i Gymdeithas Hanes Sir Benfro yng Nghanolfan Picton, Hwlffordd. Bydd y ddarlith yn edrych ar fyd braidd yn amheus y busnes codi adeiladau yn y cyfnod Sioraidd ac at yrfa John Nash, pensaer y rhaglaw dywysog, yn arbennig. Ceisiodd John Nash ailadeiladu ei yrfa yng Nghaerfyrddin yn dilyn methdaliad ac ysgariad rhyfedd yn Llundain. Bydd y ddarlith yn rhoi sylw i rai o dai ac adeiladau cyhoeddus llai adnabyddus Nash a godwyd yng ngorllewin Cymru yn y 1790au. Roedd yr her o sefydlogi tu blaen gorllewinol Eglwys Gadeiriol Tyddewi yn drobwynt yng ngyrfa Nash. Yn sgil llwyddiant y gwaith hwn, daeth Nash yn bensaer o fri cenedlaethol.

Tanysgrifiwch i Newyddion Treftadaeth Cymru a chofrestrwch ar gyfer yr RSS porthiant llawn: cliciwch y botwm RSS hwn a thanysgrifiwch!

Rydym hefyd ar gael ar:
Twitter Hashtag: #RCAHMWales