Pobl Ceredigion yn Adrodd Eu Hanesion

Yn ystod ein digwyddiadau sganio yn yr haf roedd pobl yn ddigon caredig i ddod â’u ffotograffau a deunyddiau archifol eraill atom i gael eu sganio a’u llwytho i fyny i wefan Casgliad y Werin. O ganlyniad i’r cyfraniadau hynod ddiddorol hyn rydym wedi gallu ychwanegu sawl casgliad at y wefan, sy’n cynnwys hanesion ysgrifenedig a llafar yn ogystal â ffotograffau a dogfennau hanesyddol. Mae’r casgliadau’n ymwneud â phobl a lleoedd yn Aberystwyth yn bennaf, gan gynnwys:

• Seremoni agor y Neuadd Goffa, Penparcau ym 1933 - ffotograffau drwy law Gwilym Thomas
• Meysydd chwarae Coleg Prifysgol Cymru, Aberystwyth: ffotograffau o gemau criced a rygbi a digwyddiadau athletau o’r 1930au i’r 1950au - drwy law Meirion Morgan, prif dirmon 1947-2002
• Evan Thomas - saer cerbydau, gof a theulu dosbarthu llaeth o Southgate - ffotograffau a deunydd archifol drwy law Gwilym Thomas
• Amrywiaeth o ffotograffau a deunyddiau archifol, gan gynnwys posteri ar gyfer y Theatr Fach a Phafiliwn y Pier Brenhinol - drwy law Charlie Downes
• Arteffactau gan gynnwys hen bistol, pedolau gwartheg ac ocarina - drwy law Beti Gwenfron Evans a Gwenllian Jones
• Disgrifiad o symudiad teulu Cymreig i Lundain yn y 1920au-1930au, gan gynnwys recordiadau hanes Llafar wedi’u hadrodd gan Beti Gwenfron Evans

Gwefan Casgliad y Werin

Mae’r amrywiaeth anhygoel hon o gyfraniadau gan bobl leol yn helpu i ddod â’n hanes lleol yn fyw. Gobeithir y bydd yr eitemau sydd wedi’u casglu hyd yn hyn yn annog llawer mwy o bobl i adrodd eu hanes drwy lwytho eu heitemau hanesyddol eu hunain i fyny i Gasgliad y Werin Cymru: http://www.casgliadywerincymru.co.uk

Tanysgrifiwch i Newyddion Treftadaeth Cymru a chofrestrwch ar gyfer yr RSS porthiant llawn: cliciwch y botwm RSS hwn a thanysgrifiwch!


Rydym hefyd ar gael ar:
Twitter Hashtag: #RCAHMWales