Gorffennol Digidol 2014

Mae Comisiwn Brenhinol Henebion Cymru yn eich gwahodd i fynychu:

Gorffennol Digidol 2014
Technolegau newydd ym meysydd treftadaeth, dehongli ac estyn-allan

12fed a 13eg Chwefror 2014
Gwesty St George, Llandudno.

Cynhadledd ddeuddydd fydd Gorffennol Digidol ac ynddi fe arddangosir technolegau digidol arloesol ar gyfer dal, dehongli a lledaenu data am safleoedd ac arteffactau treftadaeth. Hon fydd y chweched flwyddyn, a chynhelir Gorffennol Digidol 2014 yn nhref glan môr Llandudno. Cynigir cyfuniad o bapurau, seminarau, gweithdai ymarferol ac arddangosiadau i ymchwilio i’r technegau arolygu a dehongli diweddaraf a’u cymhwyso’n ymarferol at ddehongli ac addysgu treftadaeth a sicrhau ei chadwraeth.

Bydd y gynhadledd o werth i unrhyw un sydd wrthi’n gweithio neu’n astudio yn y sector archaeoleg a’r sectorau treftadaeth, addysg ac amgueddfeydd. Y bwriad yw iddi fod yn fodd i rwydweithio a chyfnewid syniadau’n anffurfiol ymhlith cynulleidfa gyfeillgar ac amrywiol o unigolion o fyd masnach, o sefydliadau’r sector cyhoeddus ac o’r trydydd sector. Bydd sesiynau Tŷ Agored hefyd yn gyfle i arddangos prosiectau neu gynhyrchion ac i siarad â mudiadau treftadaeth, datblygwyr cynhyrchion a manwerthwyr.

Y themâu eleni yw ‘Arolygu Technegol’ a ‘Chanlyniadau’.

I gael gwybodaeth am y siaradwyr a’r rhaglen ewch i http://gorffennoldigidol14.blogspot.co.uk a dilynwch #gorffennoldigidol2014

Cost cofrestru am y ddau ddiwrnod yw £69, gan gynnwys cinio a lluniaeth ar y ddau ddiwrnod. I gofrestru ewch i https://www.eventbrite.co.uk

Gan fod nifer y lleoedd yn gyfyngedig, fe’ch cynghorir i gofrestru’n gynnar.

Edrychwn ymlaen at eich croesawu chi i gynhadledd Gorffennol Digidol 2014.
Tîm Gorffennol Digidol


Tanysgrifiwch i Newyddion Treftadaeth Cymru a chofrestrwch ar gyfer yr RSS porthiant llawn: cliciwch y botwm RSS hwn a thanysgrifiwch!

Rydym hefyd ar gael ar:
Twitter Hashtag: #RCAHMWales